Poesias da divers Aucturs/7
 |
Questo testo è incompleto. | |
| ◄ | 6 | 8 | ► |
3. Spelm erratic.
<poem> Yegl granit transportâ sün la rain d'ün vadret Lönch davent da tia riitica chüna, Invlüda aint il god stast tü trist e sulot Sco sömgiond tia passada fortüna. — 346 — Dim o veider granit, invlüdii e dascus Aint il god sot la verda sumbriva, At algordast dal di cha teis chê glorius Sün il piz ot al tschel splenduriva? Tü portaivast sül frunt ün pürissem diadem D'alba naif al sulai straglüschainta, Sur teis vschins at dozaivast sco cuolmen suprem Superbgind da tia otezza possainta. Sü dal god, tot chargiâ d'iin' alpina savur Gniv' il vent, üna lomina charezza. II roc jüvel da l'aigl' eira l'unic rumur Chi 's audiss in quell' ota quiedezza. E l'orizzi furius nun at faiva tremblar Eir scha strusch la sajetta passaiva, Eir scha l'eco amo lönch il terribel tunar Tranter nüdas paraits ripetaiva. At algordast, granit? Uoss' est qua be sulet Aint il god sainza gloria ni spranza, Sün tai serra dschigliusa la romma seis tet, Cun il müschel at_'covr' invlüdanza. In meis cor, o vegl crap, tü darcho hast sdasdil Da mia patria l'imagna seraina, E meis ögl ha dandet üna larma bognâ, Üna larma d'increschantüm plaina!