Poesias (Vincenz)/Matg
 |
Questo testo è da formattare. | |
Pieder Vincenz - Poesias (1913)
Matg
| ◄ | Poesias (Vincenz) | Poesias (Vincenz) | ► |
Matg.
(Nach Annalas S. 385, 1893.)
Vegni cun mei
Igl ei oz Matg,
E suondei
Bufatg, bufatg
5 Tras quei curtin
D' entscheins e flurs,
Tut en surin
Schi majestus
Stupent ornau, —
10 Tgi po mirar!
Tut ei fitau,
Ch' ins sto surstar.
Pumèrs scô matgs
Sesaulzan si,
15 Cun flurs surtratgs
Ein els cotschni.
En lur tschupials
Tgei dulsch confar,
Han ils utschals,
20 Cun lur cantar!
Ed il solegl,
Ord il tschiel blau
Gia bein marvegl
Ha terlischau.
25 Gie, si, vegni,
Lein promenar
E sut gl' ischi
Lû reposar.
… … …