Poesias (Vincenz)/Il pastur
 |
Questo testo è da formattare. | |
Pieder Vincenz - Poesias (1913)
Il pastur
| ◄ | Poesias (Vincenz) | Poesias (Vincenz) | ► |
Il pastur
(Nach Annalas. S. 385, 1893.)
Miu egl ballucca,
Il tschiel ei blaus;
Il zenn uss tucca,
Mi schei ruaus!
5 Vus teissas spundas
Figieis da verd,
Vus preits de crappa
Ureis el spért.
Ils pegns sestendan,
10 Silenzi grond! —
Las vals serendan
Lur vuschs alzond.
Ed jeu en costas
Sin il plumatsch
15 Che la natira
Mi ha surtratg:
O ti caglietta
Cun verd vali,
Con bufatgietta,
20 Carin' a mi!
Bettas umbriva
Sin mei schurmiond,
Betschas la vesta
A tiu affont.
25 Miu egl ballucca,
Il tschiel ei blaus;
Il zenn uss' tucca,
Mi schei ruaus!