Poesias (Vincenz)/Enzennas de permavera

../

../ IncludiIntestazione 29 febbraio 2016 50% Da definire

Poesias (Vincenz) Poesias (Vincenz)

PIEDER VINCENZ. Poesias.

 
Enzennas de permavera.
(Nach Annalas, S. 384, 1893.)
Ruaus festiv
El firmament! —
Con merveglius
Miu sentiment?
5 Tut ei schi vid
El larg contuorn; … —
Zupau combat
Per niev retuorn!
Encunt' il tschiel
10 In suspirar:
Agid, agid
Vul tut cattar!
Suspirs cordials
Ha' l tschiel udiu
15 E cauls larmins
Siu egl spondiu.
Igl egl larmond
De dultsch' amur
Ha destadau
20 Cul verd la flur.
E sugl igniu,
Sealzond si,
Aud' jeu la vusch
Din car utschi.
25 In niebel mied
D' engraziament
Ha el rendiu
Al Tutpussent.
Mirei, legrei,
30 La vet' ei cau
E pradas, praus
Han verdegau.