Poesias (Singer)/1

Meditaziuns della saira

../ ../2 IncludiIntestazione 20 marzo 2021 75% Da definire

Poesias (Singer) 2
Nuvola apps bookcase.svg Questo testo fa parte della raccolta Rätoromanische chrestomathie
[p. 187 modifica]

SINGER.

Poesias. Coira, Stamparia da Meyer - à - Marca.


[p. 3] Meditaziuns della saira

Al sön qui et d’ün’allegraivla not
Cooperesch’il maun della natüra:
L’aruf as spand ’in perlas giò dal ot,
Per ricreer il sain della cottüra. —

5 La bella flur, serrand sieu calisch d’or,
Inclin’il frunt, darchò per reposer:
Ell’abbandun’al vent il dutsch tesor
Da sieus profüms, aunz co s’indrumanzer.

O Bap Etern! quaunt grand’ais tia bunted!
10 Quaunt impossant’ais l’ovra da tieu maun!
Tieu ögl abbatta nossa vanited
Avaunt quist panorama surumaun!

Tü hest creô per feconder la terra,
La balla d’or chi glüsch’al firmamaint,
15 Tü hest puzô nels tschels ün’otra sfera,
Chi ’ns disch: „Dormi! eau vagl sur vus intaunt!“

Tü hest sur nus sco sgüras sentinellas
Innumerablas stailas impizô,
E rimplazzô cun tauntas glüschs fidellas
20 Il di chi vo da nus pigland comgiò! —