Poesias (Sandri)/50
 |
Questo testo è completo. | |
| ◄ | 49 | 51 | ► |
Questo testo fa parte della raccolta Rätoromanische chrestomathie
50.
| [p. 17] | Giavüsch dels genituors per lur figl. |
(Annalas XVII.)
O, Suprem bap omnipotaint
Do tia bunted e grazcha,
Originescha quaist infaunt
E ’l dest in nossa bratscha.
5 Tü est da quel il creatur,
Chi ’l dest il chuerp e vita
Et est sulet sieu condüctur
Tres grazcha infinita.
Schi da courmaing giains at rover,
10 O Segner buntadaivel,
Cha gnir vegl vögliast al lascher
E ’l render ventüraivel.
Incoruno da tias favuors
E d’ogni benefizi
15 Tenor giavüsch dels genituors
Fo ’l esser eir felizi!
Do ’l ün bun spiert sco eir chaschun
Cha el in te s’ confida
Cun tgnair tia sencha religiun
20 Per sia suletta guida,
In sieu proceder et agir
Sco disch tieu cudesch quia
Cun volair saimper inseguir
La sgüra, dretta via.
[p. 18] 25 Ch’el am’il prossem sco se svess
Cun esser buntadaivel;
Superbia, pomp’et interess
Nu ’l renda melmiaivel;
Percuntra saja arcuntschaint
30 Inversa sieu consimil,
Chi al sto tiers sco agüdaint
E fatsch’eir el il simil.
La sapienz’et la virtüd
Sun dal humaun la guida
35 Tiers il celest, divin salüd,
Al quèl Gesu t’invida.
Quellas al mainan in success
Cun lod et vair’ondrentscha
Al prezius e dutsch possess
40 D’eterna beadentscha.
Schi do ’l talent, abilited
Cha el lotiers as renda
Sieu temp a tuot ’ütilited;
Ch’el impuond’et imprenda
45 Si’ art o sia vocaziun
Qualunque ch’el abbratscha
Cun volonted, attenziun
Bain aplicher as sapcha.
Da pitschn’in sü a la lavur
50 Con buna vögl’as detta
E tema Dieu con vair’amur,
In quel sia spraunza metta
Urand et in agüd clamand
In sieus astents adüna;
55 Sieu Dieu cun fer per sieu cumand
Schi al daro ’l fortüna.
Durant sia vita suporter
Sapch’eir las painas sias
Paziaintamaing cun s’ rasegner
60 AI sench volair da Dieu
[p. 19] Sco eir a las afflicziuns
Chi ’l sopraster podessan
Vaindschand sias proprias passiuns,
Chi in sieu cour s’ mettessan.
65 In tuottas chosas saja prudaint,
Aunz cu tschantscher rifletta;
E da sa sort ch’el saja containt,
Cun tuot in pesch eir stetta.
El sapcha saimper as contgnair
70 In tuottas circonstanzas
Decentamaing sco da dovair
S-chivind las discrepanzas.
Cun sa fradgliaunza in pustüd
Concordamaing s’abbina;
75 In cas ch’ün als dett’agüd
Cun tuott’amur charina.
D’als fer u tüört u displaschair
Sur tuot ch’el as inguarda
Et üngün buonder dess avair
80 Da fats chi nu ’l reguardan.
A bap et mamma filielmaing
Ch’el saimper obedescha
Ils lur cussagls, sugerimaints,
Da cour als seguitescha
85 As flissagiand dals agradir
In tuot que ch’els domanden
D’als solever in lur vegl dis
Sco lur dovair comanda.
L’almousn’al pover et mendus
90 Cun cour charitataivel
Ch’el fatscha et ch’el saja bandus
Cun tuots et saja amiaivel.
L’ingian, manzögna poi s-chivir
Ils sieus prinzipis dajen,
95 In onestet eir da ’s condür
Sieus fins et scopos sajen.
[p. 20] Uschea avro ’l felicited
Et contantezz’allura
In quaista temporalited
100 Tres quel chi sto sü sura
Et cur si’ ur’as prosmero
Cha ’l chüerp retuorn in tschendra
Si’ orm’in Gesu chattero
In cel quel chi la spendra.
Gün 1820