Poesias (Sandri)/34
 |
Questo testo è completo. | |
| ◄ | 33 | 35 | ► |
Questo testo fa parte della raccolta Rätoromanische chrestomathie
| [p. 65] | 34. |
(Annalas XVII.)
La bella prümavaira
Darcho tar nus arriva;
La terra, chi dormiva,
As sdaisd’in sia vigur.
5 Tuorna, portand la dmura
Felice alla natüra;
L’umauna creatüra
Eir gioda sia favur.
Spunta darcho con pumpa
10 Oursuot la naiv l’ervetta,
Ma’ l prüm la minchületta
Scu clev da tuottas fluors.
Ecco dalum cumainzan
Ad ir aint las quadrias,
15 Chi sun dal pur las sias
Las pü prümas lavuors.
Dal lung inviern gnieus oura,
Ils corps, chi greiv s’ sentivan,
Darcheu as riavivan
20 E’ s saintan pü ligers.
Cuntaints tuots ed allegers
D’ la vgnüda d’ prümavaira,
Ils lavuraints fin saira
Cultivan pros ed ers.
[p. 66] 25 Fin our d’Egipto vegnan
Las cheras randolinas,
Cuntaintas e leigrinas
Darcho lur gnieu furmand.
Tuots utschellets allura
30 Al ajer sü s’alvaintan,
Ed ils peschs as movaintan
In l’ova già nodand.