Poesias (Sandri)/32
 |
Questo testo è completo. | |
| ◄ | 31 | 33 | ► |
Questo testo fa parte della raccolta Rätoromanische chrestomathie
| [p. 63] | 32. |
(Annalas XVII.)
Sco al umaun Dieu ho descrit
La cuorsa da sa vita,
Tres sieu podair, ch’ais infinit,
Ho ’l eir la sort prescritta.
5 Usche dal publicho nouv pêr
Eir quell’averò ’l fixeda.
Ch’ la saja, giains a ’ls giavüscher,
Tenor dad els brameda.
Lur novel stedi imminent
10 L’Otissem benedescha,
Cu ’ls esser saimper conferent
Da bains, chi ’ls confereschan.
Felicis sajan tuots lur dis,
Colmos eir da fortüna,
15 Nu’ ls lascha giammai presagir
Adversited üngüna.
L’amur, la pêsch ed uniun
Mê da lur cour s’ divida;
Temma da Dieu, religiun
20 Adüna saja lur guida.
Non vuliand pü tedier
Cun quista poesia,
Finesch cun bun pro giavüscher
A tuot la cumpagnia.
(Annalas XVII.)
Cher amih, collega e Vetter!
Giand darcho a ’s cumpagner,
Ün giavüsch vöglias permetter
Cul preschaint, ch’eau ’s possa fer.
[p. 64] 5 Vus e voss’ameda spusa,
Tuots duos essas meritaunts,
Cha la maun tuot graziusa
Beos s’ fatscha e containts.
Vos liam as straundsch’e serra
10 A constanta fidelted,
Fin cha existis sün terra
Nella temporalited.
Da viol’incoruneda,
Adorabla, liet’Amur!
15 A duos cours unieus conceda
Della pêsch l’ota favur.
Da duos ormas’ na sulischma,
Da duos cours fo ün sulet,
Cha ’l charischem e la charischma
20 Fuorman ün nom in ristret.