Poesias (Pol)/Igl chiet mond
 |
Questo testo è incompleto. | |
| ◄ | Poesias | Poesias | ► |
1. Igl chiet mond.
1. Agl fons della noss' orma,
Glunsch no' tgi dolour dorma,
Dad admirabla glisch sclarond,
Stat an chiet en intern mond.
2. Agl mond zupo flurescha,
L' auror 'igl benadescha,
Igl scherm de nobla veira glisch,
Anvelgi' e hass n' on betg co risch.
3. Tgi e an cuntantezza?
Nou' ò igl mond chietezza? …
Schi te' gl chiet canoschas betg,
Ist pover pir tg' i' t deian retg.
4. O mond an mias avagnas,
An deis da turblas pagnas
Va ia tschartgé igl isch tar tè:
La veira vei' oss magna mè.
5. Schi pagnas dalla veta
A mè igl mond tarmeta,
Schi 'm plai partot ple navot zond
Fui ia tar tè, ò chiet mond.
6. Schi an marusa veta
A la verdat dubeta
E la mi cretta vo balond
Fui ia tar tè, o chiet mond.
7. Schi' m fui totta furtegna
Tott vot la mi ruegna
Schi tott daletg am fui tramblond
Tar tè am volv, o chiet mond.
8. Te, tgi mè conforteschas,
Deis troulas consoleschas
Ed agl mies cor confiert dast grond
O' m seias sontg, te chiet mond.