Poesias (Pol)/En' elegia militara
 |
Questo testo è incompleto. | |
| ◄ | Poesias | Poesias | ► |
2. En' elegia militara.
1. Betg igls sagns tgi tungan? Oz è bara
Plang tutgias giud noss treis clutgers
Am rachintan: G . . . è an bara.
Mengia glunsch sung ia digls freids glatschers
Ma la nova, tresta e pir veira
Am parsvada cunter voluntat;
Igl amei repos' an tera neira
„Anavant, Marsch, da chesta vanadat.“
2. Fitg scu en sem' ord turbl' alontananza
I' am ragord d' igl vigl, trest pitigott,
Eer schi ferma era la sparanza
D' ans turnar en giuven frisch e flott.
Dall' America campagnas trapassavas!
Fortuno cun retga facultat
Per galdeir a tgesa returnavas —
La fotsch fo: „Halt, igl mond è vanadat.“
3. Anstagls a spass, cantond per ustareias
Ans divertond cun pac u nign schinetg
Anstagl saltems siv' igl sunem de geias
I' oz malegi en diffarent maletg:
L' averta tomba an santir' at spetga
Cumpogns serious, vistgias da trouladat
At portan or, chell' ossa quasi setga
Tgi ò fatg: „Halt, sto bagn, o vanadat.“
4. Ah' fiss er ia dasper la funerada
Per aspectar igl noss davos spassetg
Per contemplar la nossa deplorada
Nous gliout da nign, u er da totts, u betg?
Schi sung er gliunsch, pir veia la ti fossa
Et anturn chella en per cumarats
Spundont dus larmas co sur la ti ossa
„Marsch, anavos cun otras vanadats.“
5. Pac ans amportigl tschertas ceremonas,
Gesticuladas, giond a suterar
Sbrigems e geps da vigl' e giuvnas doñas,
Parfign at sbrigigl, giond a miridar!
Chiet raposs la foss' at circumdescha
Anfign tg' auror' at cloma: ,.Leva sé,
„La vanadat digl mond ans fui an prescha,
„I splunta l' alv' agl giuvenessan dé.
6. Da mesa notg, armo, sen' na fortezza
Bagn circumdada da cargeas canungs
Vurdont las steilas se an blav' otezza
At cloma tiers chests malanconics tungs:
„Possast gladeir chiet repos an glorgia,
„An glisch celesta en' eternitat
„I' at conserv adegna an mimorgia
„E clom en: „„Marsch““ a totta vanadat.