Poesias (Nay)/19
 |
Questo testo è da formattare. | |
Giachen Michel Nay - Poesias (1903)
Temps primavaun
| ◄ | 18 | 20 | ► |
Temps primavaun.
(Nach Annalas, S. 314, 1915.)
Verdas frastgas, rosas castgas,
La lodola egl azur,
E siu frestg cantar dedesta
En miu cor in dulsch sinzur.
5 Primavera, che svaneschas
Aschi spert sco giuvn 'amur,
Datas lieunga, datas viarva
Al pli petschen cantadur.
Verdas frastgas, rosas castgas,
10 E la pezza en ardur;
Bein fitadas se splenghegian
Loschas fluras en splendur.
Primavera ch' ei a strada,
Primavera cun ses duns,
15 Carmelescha e giavina
Ord la gula las canzuns.
Verdas frastgas, rosas castgas,
La lodola egl azur,
Ei siu cant cul miu s' unescha
20 En accords cun plein vigur.
Primavera spert svanescha,
Cantadurs sche lein cantar,
Aschi ditg sco flurs verdegian
Ed in cor sa carezar.