Poesias (Muoth)/1
 |
Questo testo è incompleto. | |
| ◄ | Poesias | 2 | ► |
EDUARD MUOTH.
Poesias.
La sera.
O sera de stad,
Ruasseivla quieta!
Lev tilas flad
Ell' aria frestgeta!
5 Has aunc la cotschnur,
Ti has gie bargiu,
Che bialla splendur
Id' ei da rendiu.
Sur tiu frunt migeivel
10 Ti rasas il vel,
In lev e legreivel
E miras tras quel.
Dil tschiel las nuorsettas
Van plaun pasculond,
15 Staunclas navettas
Che van fantisond.
Flurs sbassan il tgau
E siaran ils êgls;
Semiond di il fau:
20 Stei eri, mes fêgls!
Buna notg — ina conta —
Mureri saveis star!
— Ei merlotscha silla plonta —
Vi schon lu clomar!
25 Er il Rein fa bien,
Adina ramura,
El ha mai sien,
Adina fa l' ura.
Nanna el fa
30 Cun sia ramura
Schi bein sco el sa
A mumma natura.
Igl uaul uss quescha,
La spunda cupida,
35 Il quolm ponderescha
La steila salida!