Poesias (G. Tuor)/Las troccas ed ils trocchists
 |
Questo testo è da formattare. | |
| ◄ | Poesias | Poesias | ► |
Las troccas ed ils trocchists.
(Nach Annalas, S. 361, 1898.)
Cura quater ein ensemen,
Che capeschan bein il giug,
Gleiti ein els lu perina,
Giogau troccas, ch' ei dat fiuc.
5 Siatont' otg ein tut las hartas;
Scheniv audan a mintgin;
Al scartist de preferenza
Duas dapli rest' alla fin.
Dellas troccas reginavel,
10 Ils emprems gronds personals
Ein parvis, mund, mort e giavel,
Narr, bagatt ils prinzipals.
Retg de rosas, retg de cuppas,
Retg de spadas e bistuns
15 Cun lur damas, largias buccas,
Passan si sco furibunds.
Cavaliers ein l' escorta
En il liung combat roial
E valets statan sin porta,
20 Arvan, siarran il portal.
Gion e Gieri, in cun lauter,
Ein ensemen d' ina vart,
E da l' autra Paul e Pieder;
Uss entscheivan els il scart.
25 Spert alzau e partiu ora
Ein las troccas denter els;
Giu cul scart e giugau ora,
Tut che saulzan ils cavells.
Mét, quiett, senza rueida
30 Vegn il giug introducius,
E scadin secrei muneida
De haver e dat si grius.
Gion di spert: „jeu havess queida
De far catscha sil bagatt;
35 Fermas haiel jeu avunda
Per far dar si el il
flad.“
Mund e vegn ed autras grevas
Sper la mort e giavel hai,
Tier aunc autras biaras levas,
40 Ch' el mitschar po mai, mai, mai!
Pieder di: „hai era bialas,
Temel nuot per miu bagatt;
Mo plaun ti, tia canera
Fa la miur fugir dal gat.“
45 Sin il camerad sefidel,
Era ch' el hagi zitgei;
Jeu de mia vart segidel;
Temel nuot, pera hariei!“
Il parvis e mort e giavel
50 Crodan tuts en medem temps:
Ussa sa sco il quartavel
Cheu stgisar Pieder il narr.
Il parvis ha giu il Gieri
Ed en frid' ei ussa quel;
55 Mo havend neginas troccas
Pli, uss mal stat ei cun el.
Gieri tschenta ora rosas,
Paul sin quei dat el siu retg;
Gion e Pieder han er' rosas
60 Schi' ei 'l retg uss mess sut tetg.
Paul puspei tut de furtina
Va cun rosas vinavon;
Pieder ha da quei scartina;
Cheu' l bagatt va sc' in sitton.
65 Tgei canera, tgei rueida!
O! mitschaus ei il miu miau!
Sin la meisa spluntanada!
Sco urdiu, vegn ei filau!
Spert ein dadas giu las troccas
70 Ed il scart ei uss finius,
Compignaus de biaras schnoccas,
D' in humor zun fetg suarius.
Uss aunc mo pli setractescha
De mirar e constatar,
75 Quala part victorisescha
Tras exact ils puncts dumbrar.
Mund, bagatt, retgs e narr valan,
Sco honors tschun puncts scadin,
In meins valan las reginas;
80 Ritter treis, buobs dus per in.
Puncts siatonta e dus dumbra
En total il giug troccal,
Cun ils stichs de vitas cartas,
Ch' ein mo sco per futeral.
85 Paul e Pieder han curonta;
Gion e Gieri trenta dus;
Als davos ils quater mauncan,
Ch' als emprems vegnan sco plus.
Pieder di cun vusch recenta,
90 „Ussa, si cul liter vin,
Vus ustier! ord la buot pintga
Dal Valtliner il pli
fin!“
Gudognau vein la battaglia!
Si, gie si cul litterun
95 Dil vin veder, vin de vaglia;
Nus tuts buein gie mo dil bun.
Viva Paul, gie viva nus!
Gudognau havein nus dus.
Viva Gieri, viva Gion!
100 Tier las gomias veis il don!