Poesias (Disch)/1
 |
Questo testo è incompleto. | |
| ◄ | Poesias | 2 | ► |
Poësia e canzun.
(Nach dem Autograph des Dichters.)
Quel ch' enconusch' il reginavel
De poesia e canzun,
Dal tschiel contonscha sco artavel
La fantasia quei rech dun,
5 Il plaid sereins cul tun migeivel
Comuenta l' olm' el cant sonor,
… Tgei ei sil mund pli emperneivel,
Tgei legra bein pli fetg il cor?
Il cant sc' in dultsch salit dils aunghels
10 Tarmess a nus dal sogn Parvis,
Curascha dat als pass e staunchels
Quei dun spindrau dal Paradis.
O pauper quel ch' ha piars il tschaffen
Vid il cantar e giubilar.
15 Quel ha schau dar ord mauns 'gl uaffen
Che grevs quitaus lai domognar.
Ge la canzun la poësia
Sco ferm ligiom uneschi nus:
En amicezia harmonia
20 Lein tuts restar in lauter prus.
Sc' in betsch de pasch e de carezia
Sei la canzun per nus carstgauns
Ed en legria e tristezia
Confiert per sauns e per malsauns.