Poesias (Disch)/10
 |
Questo testo è incompleto. | |
| ◄ | 9 | 11 | ► |
Canzun dil munglus.
Con bien savessen ins havér, con bi sei sin quest mund,
Sche vegn il gianter culs danèrs, il fretg dil spért malmund,
Il règl d' haver da destadau, squidonz' e nauschadat.
E la luschezia ha schendrau la malperinadat.
5 Buc in carstgaun ei cuntentaus, buc in ei consolaus,
Ge! — Co ei quei mund — tut sanistraus!
Mintgin less' vér mo leghermens, il mund less rir tudi
Ed in chei forsa pli tschentaus, quel vegn ris ô sil pli;
Las narradats ed ortgadats ein trumpf ein nossa val, …
10 Tut seglia suenter ils plaschers, schei mass aunc bia pli mal.
Negin fa feda nuotzun pli, da deivets e puccaus,
Ge! — Co ei quei mund — tut sanistraus!
Sco schemias van ils pigns entuorn, in tgietschen, lauter blau,
Las rassas strusch giu tier schenugl, il tgau pluglius tschurau,
15 Cun quindisch san ei schubertut, deno tut quei ch' ei bien;
Modestiadat e schubradat per biars ei mo rumien.
Il viver va schon alla fin per tons cun dus firaus!
Ge! — Co ei quei mund — tut sanistraus!
Sch' in dat dus raps al basignus, ha' l schon in hazer quet,
20 Al proxim beinspert in per tschien, prend' el per quei meret.
Per fétg prudents vegn quel tenius, ch' ei schi mulaus e fins,
Ch' el leischn' entuorn entuorn prischun, mo mai sur ses confins.
Ris ô vegn quel, che paupers ei, per esser reclis staus.
Ge! — Co ei quei mund — tut sanistraus.
25 Avon il carr vegn uss taccau, enstagl cavalls vapur
Ed il cametg el fildirom, spedescha brevs d' amur.
Ins dumbr' ils radis dil solegl, il tschiel vegn controllaus
E suenter mintga dracca vegn igl artg uss renovaus.
Mo dar … la paisch, glèz sa negin, al mund e sogn ruaus.
30 Ge! — Co ei quei mund — tut sanistraus!
Sai leger nuot, sai scriver nuot e sun in um schi végl
Stoi seturpiar 'von mintga buob, che fa 'von mei in ségl.
Tgi ch' ha da pign giu scola nuot, quel resta halt in tup
E quora sin quest mund entuorn, adina grad sc' in schnup.
35 E tonaton hassegen biars la scola sco' ls puccaus.
Ge! — Co ei quei mund — tut sanistraus!
Ferm els siatonta stun jeu uss; sun bia semurdergiaus
Jeu hai surviu a miu cumin, als purs e bia geraus
Ed uss, perquei ch' jeu poss 'ca pli — sai jeu far nuot endretg;
40 Perquei stoi jeu rugar entuorn, per in tec magli' e tètg.
Quel ch' ha pils auters bargagnau, vegn ussa tgerlentaus.
Ge! — Co ei quei mund — tut sanistraus!
Tei patria hai jeu schi bugen, ti vitget vegl e bi
Da giuven has ti mei teniu, uss mond' jeu è 'ca pli.
45 Schiglioc hai jeu sulet miu schierl ed enten pugn miu fest
E lu per tei o patria, l' amur en miu vegl best.
Tgi ch' enconuscha quella buc, pren mei per disturbaus.
Ge! — Co ei quei mund — tut sanistraus!
Vus giuvens onns, schi bials e cars, co hai jeu vus bugien!
50 Co veis vus mei schi ditg legrau, sun staus schi da lev senn.
Nuotzun hai jeu mess d' ina vart, sun leghers tonaton,
Perquei ch' jeu sai en fossa pren, ventira cu jeu mon.
E quel che raffa, spargn' e tegn, vegn senza ton satraus.
Il mund ei bein tut sanistraus!
55 Jeu less ch' jeu fuss mo inaga — il Segner en Parvis,
Miraclas fiess jeu schon bugen — silmeins mo in pèr dis.
Schei fuss in pauper che schelass — affons che vessen fom,
Il rech stuess la fom sentir — il freid sil zuffen strom.
Lu fuss ei gleiti caul e bien e megler en tuts graus.
Il mund fuss nuota sanistraus!