Poesias (Cloetta)/9
(Reindirizzamento da Poesias (Coletta)/9)
 |
Questo testo è da formattare. | |
Johann Lucius Cloetta - Poesias (1913)
9
| ◄ | Poesias | Poesias | ► |
9. Plövgia.
Ah, que plova da contin,
Plov'e non refüda!
Voul quaist' ora trida
Propi tour ingüna fin?
Ed intant chi gotta
Usche trist banal,
E cha la chanal
Clingia sco 'na s-chella rotta,
Sez eu qui e stun tadland
Plain d'melanconia
Sün la ravaschia
Chi am para sco ün plant.
Cour, d'bun anim at fa sü,
Plövgia bain refüda,
E davo la trida
II bel temp adün'ais gnü.
E sch'ti' orma crida
Dal invan sperar,
Non at desperar,
Eir il mal bain eir as müda.
4. Sett. 1907