Poesias (Cloetta)/8
(Reindirizzamento da Poesias (Coletta)/8)
 |
Questo testo è da formattare. | |
Johann Lucius Cloetta - Poesias (1913)
8
| ◄ | Poesias | Poesias | ► |
8. Saira.
Nellas vals il s-chür noturn
Quaid e lam uoss gio as tschainta,
Be liger e taciturn
Ün ventin amo s'movainta.
Ils utschels sun a dormir,
Con il di lur chant finischa;
Dellas fluors il lam respir
Lur amabla sön tradischa.
Tuot reposa d'la lavur,
Da travagl'e dad anguoscha,
Be l'aual con sa romur,
El il pos mai non cognuoscha.
Non sumagliast, cour uman,'
Al aual, chi mai non posa?
Tscherchast pos per tuot invan,
Chattast quel be nella fossa.
24. Avost 1907.