Poesias (Cloetta)/3
 |
Questo testo è da formattare. | |
| ◄ | Poesias | Poesias | ► |
3. La cascata da Saissa.
Ais las vacanzas, lavur ais finida,
Dallas fadias am vögl recrear;
He l'intenziun da dar nianca früda,
Far zuond inguotta, be unic posar.
Giand qua a spass tras il god, sainza mera,
Be m'allegrand dalla grand' libertà,
92
D'üna cascata prüvada canera
A mi' uraglia dal vent füt portà.
E la cascata con liam invisibel
Sco ün magnet vi pro ella m'attret,
Ed ün spectacul indescriptibel
Qua a meis ögl d'üna vout' as mosset.
L'aua con forza e grand' ravaschia
Saimper as bütta sur il grip gio
As renovand con continu' energia,
Saimper s-chümand, sfraccaschand suringio.
Eu dal aspet della bella cascata
Non am podet bod nemain separar.
Mera! co l'uonda continuamaing batta,
Batta il spelm e non voul ma posar.
Eu resentit bod remors da conscienza
Am regordand d'ma inactività.
L'uonda qua pitschna e simpla essenza
m'det üna lezcha, ma üna da flà:
Cuort' ais, uman, tia vita terraina,
Pensa perque d'esser saimper activ;
Lura sarà pür ta vita seraina.
Bc d'la lavur vain l'umur festiv.
12. Mai 1907.