Poesias (Cloetta)/10
 |
Questo testo è da formattare. | |
| ◄ | Poesias (Cloetta) | Poesias (Cloetta) | ► |
10. Per il giubileo del „Fögl d'Engiadina".
Nan d'üna fertila contrada,
Da Roma l'eterna città
'na figlia superb' ais rivada,
Pro nus, sün noss munts as fermà.
E l'aria da nossas muntagnas,
D'noss munts quella grand' libertà
La tgnettan sco schlassas chadagnas ;
La Rezia füt d'ora sa chà.
E seculs e seculs passettan,
La giuvna non get pü davent,
E blers galants Ia tscherchettan ;
Lur rövs eiran saimper pel vent.
Ma eir per ell' üna jada
Quel di fortünà capitet
Cha ella con tschera beada
Seis cour e seis man regalet.
Na ün giuven da grand' derivanza
Non eira'l, o ün grand potentà,
Modest, ma plain d'vita e spranza
E'l cour na dal muond rovinà.
Usche per sa spusa diletta
El fiit ün fidel conductur,
E franc el manet lur barchetta
In leid ed in temp da sgrischur.
Intant tschinquant' ans als svaneschan
Ed hoz, tuot robust e giovial
II pêr nozzas d'or celebrescha;
D'algrezia resuna la val.
Ed uossa, ami, ingiuvina
Quaist vegl venerabel pêr,
Contschaint na be in Engiadina,
Eu craj sgür nel muond inter!
La spus' ais la Ungua ladina,
Quâ vegli' amo fras-cha flur,
E'l spus ais nos Fögl d'Engiadina,
Giagliard ed in plaina vigur.
Ad els hoz ün trippel: Eviva
Da cour laschain strasunar.
Ch'els possan del En alla riva
Blers seculs amo avdar;
Ch'els saimper pü progredeschan
Intant cha'ls seculs svaneschan!
13.III.08