Poesias (Carnot)/2
 |
Questo testo è incompleto. | |
Maurus Carnot - Poesias (Carnot) (1919)
Carezia della sora
| ◄ | 1 | 3 | ► |
Carezia della sora.
(Nach Igl Ischi, S. 178, 1907.)
Co senumna bein sin tiara
La pli sontg' e ferm' amur?
Arda quella tier la mumma?
Ell' embratscha cauld siu fegl,
Ed embratscha mo sesezza
Ella poppa de siu égl.
Quei ei buca sin tiara
La pli sontg' e ferm' amur.
Co senumna bein sin tiara
10 La pli sontg' e ferm' amur?
Arda quella tier la spusa
Ord ils egls sco steilas clar?
Spetga, spetga, quellas steilas
Ardan baul ord stgira mar.
15 Quei ei buca sin tiara
La pli sontg' e ferm' amur.
Co senumna lu sin tiara
La pli sontg' e ferm' amur? …
Va tier la fideivla sora
20 Vul amur ti encurir!
Si' amur ei ina gelgia
El flurir ed el murir.
O carezia della sora,
O ti sontg' e ferm' amur.