Poesias (Camathias 1918)/11
 |
Questo testo è da formattare. | |
| ◄ | 10 | 12 | ► |
Dieus ed il mund.
De tuttas caussas origin
En tschiel ei d'encurir;
Nus tuts havein in Bab divin,
Che ha pussonza de scaffir;
Tut quei ch'exista e trai flad,
Ei fatg da sia maiestat.
II maun de Diu ha envidau
Ils fiugs, las glischs dil firmament;
II tutpussent ha ordinau
AI mund entir siu moviment.
Armadas d'aunghels e caretgauns
Termett'el ora sin tute mauns.
Sco sin viadi ein termess
Tuts ils affons dil Bab suprem;
Renconuschientecha dar duess
Mintgin a Diu sin siu scalem.
Va il viadi alla fin,
Ston tute turnar tiegl origin.
0 Segner, jeu confessel tei,
Vesend las ovras, che ti fas;
Jeu stoi saver a ti marechei
Gudend la veta, che ti das.
Co sai jeu bein a ti survir,
E tia gloria engrondir?
Jeu sundel in carstgaun tras tei,
E la verdat vi confessar;
Sta tias vias pei a pei
Jeu vi ludond tiu num marechar.
E va la veta de rendiu,
Ruaussel jeu en tei, miu Diu!