Poesias (Camathias)/8
 |
Questo testo è incompleto. | |
Florin Camathias - Poesias (Camathias) (1913)
La cufla
| ◄ | 7 | 9 | ► |
La cufla
<poem> L' emprema neiv gia quarcl' ils praus E tras ils quolms ei va snavurs; Ed oz il tschiel ei grev cargaus, Gl' unviern entscheiv' a far ramurs. 5 Igl um selvadi trai ils fols Avon la taun' en val Frisal Dal quolm termett' el ses figliols, Ils suffels crius giu viers la val. Suls tetgs dil vitg va il concert, 10 Ils suffels schulan nausch e git: La cufla sgola ferm e spert, La neiv satiar' il circuit. — Mei davos' aura, sperts cavreuls, Camutschs el cuvel sezuppei, 15 Fugi a sust, vus tschuts, anseuls, La cufla buffa pir che mai! La mumma l' escha siara si E mett' en stiva siu affont; La pegna drov' in cusch dapli: 20 Gl' unviern semett' el sessel grond.