Poesias (Cadieli)/23
 |
Questo testo è da formattare. | |
| ◄ | 22 | 24 | ► |
Il tschanc de pardanonza.
(Nach Il Pelegrin, S. 174, 1910.)
Il Toni gron havev' in tschanc:
Il tschanc de pardanonza,
Otgonta funs er' el schi franc,
Sco 'gl efel va ell' onza.
5 Ses buobs, tartgond vid il furtem,
Litgavan gia la bucca;
Mo Toni deva si in schem,
Dumbrond ils quens en trucca.
Pussond sils pugns siu staunchel frun
10 Schev' el: „Quei sa ca render
De mez mazzar il tschanc d' atun:
Pilver, jeu stoss el vender.
Duas jamnas strusch sai envernar
Cun sia carn la schenta,
15 Bia meglier fetsch' jeu de cumprar
Pil tschanc in sac pulenta.
E detg e fatg! Tral vitg in di
Il vegl hermer sbargatta,
Il Toni vend' il tschanc agli
20 E post' in sac bramatta.
„O bab! Cu bein il tschanc mazzeis?
La mumma oz el tunda.“
Per questa ga vus aunc stitgeis,
El ei ca grass avunda.“
25 La fiasta dat ei suppa lu,
Amplius cun péra tosta,
Carnpiertg e truffels e sisu
Caffé, la seit che dosta.
Ils buobs fan tschera de rigiar,
30 La mumma tresta quescha;
Duas larmas lai 'l ord égl mitschar,
Il bab els consolescha.
„Tadlei, mes buobs! In auter onn
Ei' l tschanc pli grass, speronza.“ —
35 Gia' gl auter di van ei a Glion
Cul tschanc de pardanonza.