Poesias (Cadieli)/5
 |
Questo testo è da formattare. | |
Gion Cadieli - Poesias (1913)
Eis ti pli dirs
| ◄ | 4 | 6 | ► |
Eis ti pli dirs?
(Nach Igl Ischi, S. 123, 1900.)
Igl ault de nossas pezzas
Surtrain aunc freids glatschers,
E sut la cozza alva
Aunc dorman praus et ers.
5 Cheu dat l' emprem' egliada,
Ils nibels penetrond,
Il niev solegl sin tiara,
Ord greva sien svegliond.
En cuort — o tgei midada —
10 Il mund ei en verdur,
Sin pradas e collinas
Flureschan flur e flur.
Perfin la dira glatscha
Lev' ord il sien profund,
15 Cur ch' il solegl respira
Ad ell' in betsch sil frunt.
Miu cor han giuvens radis
Puspei er penetrau!
Miu pèz ha la speronza
20 Danovamein tschaffau. —
Mo ah — gnanc ina flura
Vul gnir ord quei terratsch;
Miu cor, miu cor respunda:
„Eis ti pli dirs che glatsch?“
Eis ti pli dirs?