Poesias (A. Tuor)/6
 |
Questo testo è da formattare. | |
Alphons Tuor - Poesias (1913)
La fossa
| ◄ | 5 | 7 | ► |
La fossa.
(Nach Annalas, S. 182, 1898.)
La fossa ei profunda,
Sgarscheivels ein ses urs;
Zupaus ei sut la spunda
In liug che fa snavurs.
5 Cheu spusas adumbatten
Han cauldas larmas spons,
Cheu adumbatten stattan
Bia bandunai affons.
Ins anfla la ventira
10 Sin tiara cheu nigliu;
Mo quella porta stgira
Nus meina tier nies Diu.
Savens nies cor cheu plonscha,
Cheu en quei dir combat,
15 La pasch' el mo contonscha
Leu nu' ch' el eri stat.