Poesias (A. Tuor)/42
 |
Questo testo è da formattare. | |
Alphons Tuor - Poesias (1913)
Alla Lumnezia
| ◄ | 41 | 43 | ► |
Alla Lumnezia
<poem> En in rudi sin plauns e spundas Ein situai tes vitgs stupent. Giuviars tschalatta sias undas In maiestus, rapid torrent. 5 Schlateinas grondas, de noblezia, Han lur castials en tes reviers. Numnada vegns ti cun luschezia Aunc oz la vall dils cavaliers. Dunauns e giuvnas plein bravura 10 Per tei smenau han ils turschets. Dad ellas essas aunc quest' ura, Vus lur affonts, schi loschs e leds. Cun pauc tiu pievel secontenta, Cultiv' il funs da vegl enneu. 15 Negin pli bia ventira senta, Ch' il liber pur, luvrus e tgeu.