Poesias (1890)/6
 |
Questo testo è incompleto. | |
| ◄ | 5 | 7 | ► |
Silvester nel’ester.
In sula stanza, sper ma glüm
Eu sun sulet e — lei,
E que ch’ eu lei non sa üngün,
Eu svess brich non Tinclei.
Perche meis spiert ais hoz distrat,
Meis anim — alterà ;
Dalet üngün a qui eu chat,
Meis cour ais — anmlà.
Lontan dals meis, da meis comün,
Da tot que chi’m ais char,
Saint hoz pür vair’ increschentün
E no’m poss consolar.
[364]Hoz ais silvester, fin del’aun,
Hoz regn’ algrezia — là,
Amabel chant e sun del sain
Nels munts strasunerà.
E giuvens, giuvnas ed infants
Yau tots as allegrar,
Be homens vegls e las donnans
A chasa soulan star.
Un mangia, baiva, giov’ e chant’
infin a mezza not.
Bain d’ profitar l’ ultim momaint
D’ lann vegl — sgür tschercha tuot.
Eir qui fan feist’ ils abitants
Pro vin e baccalà,
Interas rotschas van girand,
Bragind per tot cità.
Qua saint eu pivas, tamburels,
Sper flöttas e trombuns
E vuschs scordadas, tuns pac bels,
Il chant dels — Lazzaruns.
Pers, in quist fracasch enorm
Meis cour non dvainta san;
Eu vegn bainbod in let e — dorm
E clam in sön : — „Bun ann “ !
„Bun ann amis in patria,
„Bun ann collegas tuots,
„Bun ann Grischuns — in corpore,
„Bun ann vus munts e gods! “
Finalmaing pens — in ma suldüm :
„Daman — che far cul di ?“
Allur’ am va güst sü na glüm :
„Tü vas a — Napo-li! “ —
Christoffel Bardolu.