Plaunts/1
 |
Questo testo è incompleto. | |
| ◄ | Plaunts | Plaunts | ► |
| [p. 14] | CONDOLENTIA |
Supra la beata mort
dal
Mlto. Illre. Sgr. CANCELLIER
JOHAN MARNIA.
f. m.
S’ po cantar in la sequente lugubre melodia, tenor eir appara in Psalterio Buchanani supra Psalm 23.
1. Grands duns il Senger dâ, Suvent per sia buntâ
Seis plæd & libertâ. A chi ch’ell teng’amâ
Eir homens scorts & prus, Cuslger, Regents bandus
Reals sincers & valarus?
2. Mo cura seis grands duns, Da pövels brichia buns
Solan gnir surduvrats, Fa Dieu contr’ils ingrats
Eir la vandetta sia, In ira pilgiand via
Ls Cuslgers, Regents cun sia jüstia.
3. A nuo ha Dieu dunâ, Seis plæd & libertâ
Cuslgers & Regents, Sco nuo h’ vain tgnü suvent
Mo nuo h’ vain pauc stimâ, Seis plæd & libertâ
O grand’& trid’impietâ!
4. Che spretsch dal plæd da Deis, à auters blers duns seis
Che prapgias haun pultruns, Et che disuniuns
Settâ & ruinâ, Saisvess & plüs zertâ
Al’ir’ilg Senger moventâ.
[p. 15] 5....... Sco Dieu ha imnatschâ, Tras ilg Prophet d’ vardâ
Da tour per quai davent, Ls Cuslgers & Regents
Quai huossa stovain vair, Cun grand noss displaschair
Ch’ans’ ruts davent sun plüs pe’ lvair,
6. Quai planscher nuo pudain, N’il cas chia nuo vezain
Dal noss Sgr. Cancellier, Johan Marnia syncêr
’L qual eira cun honur, Deng eir da tuot’amur
Un vair real & sincer cor.
7. Eug num’ völg præsümar, Quia da requintar
Seis bun deportamaint, Qui & dalönsch contschaint,
Quai fuoss üna lavur, Sco al Solai splendur
Vlair dar è l’ far plü pur.
8. Mo es da s’ miravlgiar, Co blers l’aun vlgü trattar,
Co l’haun persequitâ, Cun grand’impietâ
Sün vita, rab’honur, O tuorp, chia cun stupur!
S’ha viss cun granda eir dolur!
9. Quai ha’ l tuot comportâ Patiaint eir perdunâ
Vandetta ma cerchiâ, Mo bain per els orâ
Sia spranza tuot tschantond, Sü’ l Senger tuot pussant,
Patiaint da quel saimper s’ fidand.
10. Cur’ell in chiasa sia, Temand plü tirania,
D’alchüns seis inimis, Als quals l’eira mal viss,
Disgratia per schivir, In Ftan & Trasp dad’ir
S’ lascher d’amis cuslgiâ redür.
11. Co qua s’hal deportâ, Völg tgnair impâ quintâ
Da d’el fuo gia vüschâ, Ch’eug gniss pro el clamâ
Siand eug prompt rivâ, Pro ell, ilg ha chiattâ
Patiaint in sia infirmitâ.
12. L’eira pro bun savair, Cun pauc tschantschar pudair
Mo bain pudair chiapir, quai ch’eug l’ pudaiva dir,
Et tuot pudair zuond bain incler.
13. Sia lengua moventand, Seis ölgs & cor uzand
Pro Dieu devotamaing, Perseverantamaing
[p. 16].... Cur’eug l’ mateiv’avant, Cu’ l plæd da Dieu pussant : | :
Steiv’ell attent, sco baiver aint.
14. La nott passad’avant, Sco qua udir quintand
H’ veiv’ell amuo tschantschâ, Continamaing urâ : | :
Et sco Sanct Stephn’& Christ roguâ.
15. Chia Dieu dess perdunar, Et brichia inquintar
A chi l’ha contrafatt, Cun plæds & eir cun fats : | :
Mo tuot als h’ vair zuond perdunats.
16. Trais dits & nots eug fuo, Pro ell al clamar pro
Confort dal plæd da Deis, Ch’ell metteiv’in l’ cor seis : | :
Ilg qual legreiv’eir ilg cor meis.
17. Usche bain præparâ, Dal muond pilget cumgiâ
Et cun pauca fadia, La prusa orma sia : | :
Render à Dieu s’ durmenzand via
18. O væh nuo h’ vain pechiâ, Chia Dieu ha cupichià
La Cruna dad’honur, Chi deiv’à blers splendur, : | :
Per quai l’ planschain nuo cun dolur.
19. Mo l’es in cêll tut sü, Ingio’ l non mora plü
Schi’ n cêll es ell id aint. Ingo l’es splenduraint : | :
Plü co las lgûms dal firmamaint.
20. Vival in cêll beat, In tuot’æternitat,
Confort’ô Deis ils seis, Et retschals cu’ l Spiert teis : | :
Eir à noss nüz, quai fa ô Deis!
21. Seis Filgs fa imitar, Virtüts da lur Bap chiar
Chia l’ cuost à ls far stüdgiar, Ch’l ha miss & sü ils trar :|:
Ad els & plüs poss’allegrar.
22. Conforta sia Mulgêr, Perche seis Chiandalêr
Ilg qual la deiva lgüm, Es stüz ch’huoss’in suldüm : | :
Sto viver in la sia veldüm.
23. Sia Filg’& Schender chiar, Vœlgias eir confortar
Senger auda’ ns gugent, Et dans eir buns Regents : | :
In pê da quest t’hasch tut davent.
24. Manteng’ô Deis teis plæd, Ostans da mall & læd
[p. 17].... Eir nossa libertat, Cun pasch pietat
Et à la an fa beats.
VIVant MarnIæ ConCorDes FaVste VIrentes.
Usche attest & condol cun debita vardat & amur vers meis
Sgr. benefactur & def(n)[u]nct Paraint, Ego Joh. Martinus.