Piruç myò doç inculurit
 |
Questo testo è completo. | |
Piruç myó doç inculurît,
quant yo chi vyot, dut stoy ardit.
Per vo mi ven tant ardiment
e sì furç soy di grant vigor
ch'yo no crot fa dipartiment
may del to doç lial amor
per manaço ni per timor
çi chu nul si metto a strît.
Piruç myo doç inculurit
quant yo chi vyot dut stoy ardit.
Ogn'om mostri voglo scuro
ch'yô no intint may di lasà
di pàssiris per pavuro
lu panì pur semenà
mo plui cu may intint amà
a chugle ch'ay simpri sirvit
Piruç myó doç inculurît
quant yo chi vyot dut stoy ardit.
Per zò dumlo byello e zentil
quant anch'yò pues vuelg preyà
vo no sayes d'anim tant vil
di volemi abaudonà /
per det d'algun malvas bosà
chui à simpri ni may mintit
Piruç myó doç inculurît
quant yo chi vyot dut stoy ardit.
Chyanzuneto va cum Diò
a chello dumlo saludant
di chuy fidel soi sirvidò
e so celat saray amant
a mil mil ang, s'yò vives tant
al so amor si soi unit
Piruç myó doç inculurît
quant yo chi vyot dut stoy ardit.