Per la Prima Messa di Padre Basilio Ghedina
 |
Questo testo è da formattare. | |
Per la Prima Messa di Padre Basilio Ghedina.
Padre Basilio, anquoi šcusà ve preo,
se un pormai d’ ampezan algo el vo dì
Avè scielto un mestier chè l’ è un dei meo
ma che ades l’ è difizil che mai pì
Da combate avarè col fariseo
col rico, el prepotente dut’ al dì
avarè da struscià, ce mai cardeo?
col diou, col mondo e ancora no sei cì!
Ma se se forte, se portà vitoria
se batè duro e štarè a chel ch’ è scrito,
avrè co l’ è un dì ʼna pì gran gloria!
Se poereto se umil vorè šta in fondo
e avè ragion, parcè che Cristo à dito
che el so regno no l’ è de chešto mondo!