Parche vulais ch'üna parsuna chaunta
 |
Questo testo è completo, ma ancora da rileggere. | |
| ◄ | Nus amis da cumpagnia | Adün amer, mo brich giodair | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
8.
(Romanische Studien I, Flugi, p. 314.)
Parche vulais ch’üna parsuna chaunta
Chi nun ho pü sieu cour in liberted?
Lasché chanter a chi l’amur containta
E laschè me in ma dulur crider.
5 Ma nöbla flur! che dess eu fer chi’ t plescha?
Ch’eu he pers tuot in perdant mieu cher cour.
Voust tü ma mort? ais quist che tü giavüschast?
Schi dum mieu saung par mia dutsch amur.
Zieva ma mort nu sarost usche düra;
10 Tü m’amarost, e da me t’algurdand
Chaminarost tü sur ma sepultüra
Cun displaschair per tia fidel amant.
Ed in quel lö inua’ l cêl at condüa
T’algordarost da ma fidelitet,
15 La quel’ais saimper steda ferm’e püra
Scu’ l firmamaint sur nus ais in vardet.