Pagina:Vital - Chanzuns popularas ladinas.djvu/46

77

9. Pür memma se da nun avair
     Per mia disfortüna
     Tuots quels aspets, chi saun plaschair,
     Ne adestrited üngüna.

10. Tuot que cha eau possed e he,
     Ais iin sincer caracter;
     Dal rest allura eau nun se
     Fer bricha da calfacter.

Nr. 39.¹)

1. Sun arrivo d’ester pajais
     Per passanter acquia
     Cun liberted almain trais mais
     Ün po in allegria.

2. Desch ans sun sto in servitiid,
     Per guadagner mieu viver,
     E sun sto suot’na sclavitüd,
     Ch’eau nun la poss descriver.

3. He stuieu ster our grandas lavurs
     Cun bger e bun da sbatter,
     E he eir spans bgeras süjours
     Per guadagner quels quatter.

4. He gieu ün patrun usche sever
     Ch’üngün que nun po crajer,
     Cha be ’na vouta l’an piglier
     ’M laschaiv’el iin po d’ajer.

1. Fragmaint.