 |
Questa pagina è stata trascritta, formattata e riletta. | |
| 9 |
SONETT
DE MÌ
All’Ill. Sig Ercol Galarà Nobel Milanes.
SAvj, parchè, Signor, nò vùi mò mett
Chivò ’l mè nom ades, parchè Milan
Porav dam par ol coo del belitran,
Avè stampà stò libr’ inscì imperfett.
E mì el mè onor vùi tegnil nett,
Es nò vùi, chem siam dicc, vit mò gagian
Te veu fà l’Autor, es te n’è gnan
Sgionsgiù à podè fenì sto tò librett.
L’è ver, ch’on bel’umor a principiaa,
Es’ a mostraa ingegn, e gran’ savè,
Mà ’l ghè quai cosorin, che nò sta ben.
E mì, che parli Milanes spuaa,
L’hò mendaa, l’hò cressuu, es vùi vedè
Se pos finil denanz, che s’ tai ’l fen.
E peù anc sal me ven
L’umor, vel mandaroo tutt quant consciaa,
Sem mandarij de festa a Danedaa.
