 |
Questa pagina è stata trascritta, formattata e riletta. | |
| 12 |
SONETT
D’ON OLTER
AL’AUTOR.
QUand on bon Milanes pù stravasciaa
Fa intel fa ciass col sò parlà lain,
Se sent ontera fiss, ch’el sbotasciaa
A l’è pù bel d’on pez che n’è ’l latin.
Parchè parland un da Milan schusciaa
Al parla Ghrech, Franzes, es parla in fin
E Gotech e Latin, come indiciaa
Ghe fuss dal mister stai da piscinin.
Se quest è ona panzanegha signô
A vù che v’ vegn a tai inscì osorà
Da speghascià sti cos con vost onô.
Disil a botta inscì sul consorà,
Ch’an mì dirò che son on belitran,
Se de sti vost zimoi no rid Milan.
