 |
Questa pagina è stata trascritta, formattata e riletta. | |
| 127 |
zie, la passerem bem. Zaldo, vim, e legna ghe n’avem, Coi lavoreri che g’o’ zà ordinadi per tut l’inverno, ne torem la carne, el stofis, el pam, e el companadeg. Adès coi bezi che m’è vanzà a mi, e con quei che ciaperat ti da to misser pare per interes de la to dota, bisognerà che comprente da vestir, e da far en poc de tela, e prima de tut farem far na pelegrina col so colarim e con na bella lazza per el mattel che no ’l patissa fred a nar a scola. —
Oh sì, brau. Che gusto che ’l g’averà el Bortolim! Toghe subit sta pelegrina, che mi ’ntant no g’ò bisogn. Pensa alle vanità le matte, a mi me preme el mè Bortolim. El sior Direttor el m’à dit che ’l g’à talento, e che ’n scola l’è quiet e dabem. Me par che no ’l deva creder! perchè for de scola l’è tut so papà, el g’à del birichim! —
Sicchè mi som en birichim! La diga su, siora teologhessa. Cossa fazzo mi da dirme birichim? —
Uh, vedel lì, subit smanie! Set en colera?
Mi no. Con ti, el sat bem, no posso andar eu colera. Set la me Marietta! Ma dime, cossa gh’at de lagnanze contro de mi? —
Veut che te le diga? Ti set n’argent vif,
