Respose Cecato: Mo ben, mo bene. — A’ dighe ch’el besogna andarghe da maitina, disse la Tia. Respose Cecato: Mo ben, da maitina inanzo dì anderè a farme imprestar un caro co i buò dai gi uomini don a’ laoro1, e sì vegnirè a cargare, e sì me n’anderè. In sto mezo, Tia, andòn a pareciare2 la biava e insacòn-la, chè da maitina n’aròn altra briga che meterla sul caro e andarsene cantando. — Mo ben, respose la Tia: e i fè a sto muò. Vegnù che fo doman, Cecato messe la biava, che l’aèva insacò la sera inanzo, in su ’l caro e sì andò al molin. E per che l’iera da i dì curti e le noti gierono lunghe, e le strè da pioze, fanghi e giazi3 tute rovinè, el ferdo grande, el puovero Cecato convegnia star tuta quela note al molin; e altro no disirava4 Marsilio, nè gnanche la Tia. Siando vegnù la scura note, Marsilio, secondo l’ordene che l’aèa metù co la Tia, tolse un bon paro de galine ben governè e bele cote e del pan bianco e del bon vin senza gozo d’aqua, che l’avea apareciò inanzo, e se partì de ca; e scosamente per traverso di campi andò a la ca de la Tia. E siando andò in ca, la trovò sul fogolaro a pè del fuogo che la naspava filo, e sì se conzò tuti du a magnare; e dapò che i ave ben magnò, i s’andò a colgare5 in leto tuti du: e ’l puovero babion de Cecato masenava la biava al molin, e Marsilio in leto buratava la farina. L’iera za damò apareciò de levarse el sole, e sì a ’l se comenzava a s-ciarir6 el dì, quando i du inamorè se levò da leto, dubitando che Cecato no i trovesse colghè a un; e stagando de brigà7 a favelare
- ↑ dov’a laoro, 0, 1, etcet.
- ↑ — parecchiare, 0, 1, etcet.
- ↑ — ghiaci, 0, 1, etcet.
- ↑ — desiderava, 3, 8, 4
- ↑ — colegare, 3, 8, 4
- ↑ — schiarir, 0, 1; schiarar, 3, 8, 4; cfr. Lovar, 92
- ↑ — de brigada, ‘insieme‚ presso il Cavassico, vol. II, p. 358.
