 |
Questa pagina è stata trascritta e formattata, ma deve essere riletta. | |
| 23 |
Nóš půr Gostin, spari èl inch da kël'òra,
Odů mai plů n'èl sté da val persona
Da degůna sažon, nó tért nó adòra.
Revë sůn ki dlacions èl tĕ na ria ona;
Kĕ sůa anima sī iló t'ki crëp bandida,
S'ó tó a di dĕ Colfòsc la gënt saorida.
Na man plů tért ciafé an sůn këla dlacia
Půc dṓ kesta desgrazia sozedůda;
Mò can kĕ l tëmp sůn ki crepons dlonc tacia
E důt va iló ad in fu̥m da gran nevůda,
Can kĕ důt gonfedëia e sòfla con rabia
E kĕ sta gian a chiaşa inch la gënt sabia:
Vèghen datrai n bèl pér, kĕ róda e salta
Fóra per ki dlacions e gran pizades,
Fóra per këla nëi gonfedada alta,
Fagean gonót dĕ dër bèles slitades:
Ëi bala con gran şèlo la Forlana,
Ëi la bala con fůria veneziana.
II. L Signal.
Aldís iló a mèşa noet kël stlinghinamënt
Jů sòt Corvára jůn ki Plans dlongia rů?
Ël è l Bracon asasinè con tradimënt
Da kël da Còz, l plů gran lotron dlonc temů.
Odès sůn chiaval blanc cavalīr sporoman
Travérs i Plans e sůra l' èga ía dĕ sbonf?
Francësc dĕ Brac va dlon kirian tĕ kël bèl plan
Só gran nemic per gran vendëta e gran trionf.
Chiarèdĕ iló dòi cavalīrz dĕ fòsc vestis,
Tĕ la lụm dĕ la lůna tlér sdlominan!
