«Capitula zeche huius inclite civitatis Mediolani, cum quibus Ill.mus d. d. Magnus Magister Francie et generalis citra montes regius locumtenens ipsam zecham Johanni Torretino et sotijs concessit, ac data est zecha predicta de comissione ejusdem dominationis pro abbocata modis et formis infrascriptis ut ex relatione Mag.ci domini Antonij Turpini generalis Texaurarij facta existente penes Maynardum de Grassis constat.
«Primo, quod Magister et sotij fabrice seu zeche predicte habeant et teneant ipsam zecham ad laborandum et laborari fatiendum de infrascriptis monetis per annos quinque proxime futuros, more unius datij, incipiendo a die deliberationis in antea Millesimi quingentesimi quinti et finituros die ultima decembris anni venturi Millesimi quingentesimi noni, et cum obligatione solvendi honorantias debitas et solitas Magistratui Cancellarie et alijs offitialibus.
«Item quod habeant dicti magister et sotij domum totam ipsius zeche liberam et expeditam, et eam possideant absque solutione alicuius fleti, durante tempore locationis sue.
«Item quod dicti Magister et sotij habeant et consignantur eis omnia utensilia ipsius zeche, que sint extimata ut moris est, et facta extimatione teneantur ea solvere secundum ipsam extimationem fatiendam.
«Item quod dicti Magister et sotij utsupra teneantur et debeant solvere omnem quantitatem argenti que portabitur in zecham ad computum librarum viginti septem, soldorum sex pro qualibet marcha argenti fini infra octo dies a die consignationis dicti argenti.
«Item quod dicti Magister et sotij utsupra teneantur fabricari facere omnem quantitatem argenti, que portabitur in zecham sub pena soldorum viginti pro qualibet marcha argenti fini, applicanda regie Camere, salvo quod pro argento aureato quod portabitur in zecham pro partiendo servetur solitum.
«Item quod dicti Magister et sotij utsupra teneantur fabricari facere omni mense dictorum quinque annorum tantam quantitatem monetarum infrascriptarum sub modis et formis et bonitatibus infrascriptis ad ratam in primis novem mensibus cujuslibet anni quantam capit et capere potest summam valoris scutorum sex mille auri a solle, videlicet grossorum de soldis decemocto, qui sint in numero viginti novem cum dimidio grani decemocto et tertium unius grani pro qualibet marcha, et in liga a denari is undecim granis tredecim cum dimidio, hoc est tenentes onzias septem, denarios decemseptem argenti fini pro
