10Quando si bello, e cosi vago apà
L'erco Celeste de coroi listaou
Quello coasso pà
Chi m'hà ro Co ligaou,
E se ro Sò compà
De nuuere acercchiaou,
O me pà veira le descauegià
Co ro capello ch'a se sta a sciugà.
11Quando ro Sò ra seira se ne và
E ro giorno con seigo se ne porta,
Nuoete assè presto sà
E ogni coro s'amorta;
Se ro me So va in Cà
Como l'è dentra porta,
Tutta ra terra uon che ra contrà
Un'afforozo Limbo si me pà.
12Quando a ra stè vego ra Lunna in ere
Chi pà ch'a no se moue, e fa camin,
E de corò son i ere
D'Azuro oltramarin;
In Cò me ven quell'unna
Chiù bella assè dra Lunna
Se depoi cena a se ne sta assetta
In Villa aro barcon de caminà.
