Pagina:Rimatori siculo-toscani del Dugento.djvu/235


xii - geronimo terramagnino 225


Comengament de doctrina provincial vera e de rahonable locucio.

Tot en aysi con le rubis
sobre totas peyras es fis
e l’aurs soblels metailz cars,
30sobre totz razonatz parlars
parladura lemoyzina
es mays avinentz e fina,
quar il quays se razona
con la gramatica bona
35per tots los nombres singulars
e per tots los plurals anars
e per cas e per drech genre
la deu dir qui l’am’apenre,
e per paraulas ajectivas
40e per finas substantivas,
per comunas, oblichs e rctz;
masculis genre e femnis dretz,
per personas e per temps
e per motz escriutz ensemps,
45e per razon continuada
qui per obs no sia biaysada,
e per totas verayas parts
d’orazion qui grazid’artz
qui te lo sieu carni ubert
50del parlar razonat per cert:
so es pels verbs e per los noms,
pels particips e pels pronoms,
averbis, prepozicions,
conjunsions, interjesions.
55Perque vuoil sapchatz, amador
qui deziratz haver valor,
que totas paraulas bonas
substantivas genr’e personas
demostron puramen e genz
60e sostenon grandamenz,