Se andee in di ges de ton, 240Coi geroglifich e coi variazion
La conscen in manera
Che in lœugh de toccà ’l cœur, quasi la secca:
Oibò, par nanca vera!
La piva l’è sul fa de la busecca 245Che, se ghe mettii triffol e canella,
L’è ona porcada perchè l’è pu quella:
E per mangialla proppi genuinna
Se va minga a l’albergh, ma de l’ostinna:
Istess l’è de la piva: al dì d’incœu 250No la gh’è bonna che in di gesiœu.
Stamattina i bagaj
Hin a l’ari anca lor ben a bon’ora
Senza vessegh bisogn de dessedaj:
E butten temporii 255Minga tant per la messa de l’aurora,
Ma perchè in di vestii
Gh’è almen duu capp o trii
Nœuv de trinca; vestinna o sortorell,
Scemisetta o cappell. 260In di fiœu vuna di primm passion
Che traga radis fort l’è l’ambizion:
Se piasen de per lor, nissun ghe bada,
Ma marcen via per strada
