Pagina:Porta - Poesie milanesi.djvu/384


ALTRA STOCCADA DE AKMETT AL FARAVOST DEL 1815

Akmett, in tocch come la porcellana,
Magher come el ritratt de nost Signor,
Strasciaa come i strivaj d’on sfrosador,
Pestaa come el sofía1 d’ona puttana2;

Pelaa dal reficiò come ona rana,
Pien ras de debet come on giugador,
Pussee affamaa che ne on procurador,
Sgognaa come el mari d’ona veggiana;

Cusii in cá, come dent in d’ona scattola,
Cont la donna sul fa d’on zofíreghett,
Che tacca a fa fíoeu come ona piattola;

Cribbi! se lor no senten compassion,
Sta voeulta el va anca lu, el pover Akmett,
A toeull in pròs come Napoleon,

Giacche la Religion,
O quella cossa che ghe disen squitta,
L’inebiss anca a Akmett de toeuss la vitta.


NOTE.

  1. soffá: mobile ampio, con spalliera e braccioli, per lo piú imbottito, ad
    uso di sdrajarvisi, dove anche possono sedere piú persone: sinonim. canape.
  2. guanganna: cdiz. 1826.