Pagina:Porta - Poesie milanesi.djvu/343

Senza vin?
On intort
De sta «ori
Al Bosin?¹
Prest, canaj, —
Razzapaj²,
Mort o vin!

Pas, pas, pas — che Ve chi lu el bombai.
Ginegraa³ — del Modron?...⁴
Sanguanon I
Pas, pas, pas
Hoo fallaa — i mee brugnon.

Che Tocca], che Alicant, che Sciampagn,
Che pacciugh. che mes’ciozz foresler!
Vin nostran, vin di noster campagn,
Ma legittem, ma s’cett, ma sinzer.
Per el stomegh d’on bon Milanes
Ghe va roba del noster paes.

Nun che páccem del beli e del bon
Fior de manz, de vedi]⁵, de cappon,
Fior de pan, de formaj, de buttér,
No emm besogn de fa el cunt coi biccer,
E per quest la gran mader natura
La s’è tolta la santa premura
De vojann ciò de bev col boccaa
Fior de scabbi passant e salaa,
Fior de scabbi mostos e suttir
Di nost vign, di nost ronch, di nost fir.

Vin nostran, vin nostran, tomi a dí,
De trinca col coeur largh, e a memoria,
Che di vin forestee la gran boria
Per el pu la va tutta a forní
In d’on poff, fum e scuma, e bott lí.

1. Pagina:Porta - Poesie milanesi.djvu/ (Nota transclusa da pagina )
2. Pagina:Porta - Poesie milanesi.djvu/ (Nota transclusa da pagina )
3. Pagina:Porta - Poesie milanesi.djvu/ (Nota transclusa da pagina )
4. Pagina:Porta - Poesie milanesi.djvu/ (Nota transclusa da pagina )
5. Pagina:Porta - Poesie milanesi.djvu/ (Nota transclusa da pagina )