 |
Questa pagina è ancora da trascrivere o è incompleta. | |
Ch’el vegniss, e el vedess che sort de spass
El s’eya tolt con lu vun di soeu fraa;
Ch’el vegniss, el vedess e el giudicass
Se no even canaj, lader de straa,...
De mceud che a no sfondagh tutt dò i gannass
Gh’è vorsuu la pascienza e l’umiltaa
D’on sant pacifegh come on sant Franzesch:
Se Teva sant Ambroeus, el stava freschi
Ma Franzesch, mansueti come on agnell,
El ghe lassa con flemma svojá el goss,
El compassiona el stat del so porscell,
El conlessa anca lu ch’el fall l’è gross;
Poeíi el le ruzza1 a la porta insci beli,
Promettendegh on mondo de bej coss;
E el se le cava infin del brutt impacc
Col saragh la pusterla in sul mostacc.
A on pover cap de cá che gh’ha interess
De conserva i provecc d’ona fameja
Ghe lassi on poo pensa s’el ghe rincress
A Franzesch el trovass in sta boreja!
Intant, per medegá el maa ch’è suzzess
Col pel de quell che ha avun sta bella ideja,
L’ordenna subet de ciamá a rassegna
Tucc i fraa, tant ratton2^ che de colmegna.
Appenna sonaa el copp, fiocchen i fraa
In di sai del capitol a balocch3,
Che quand se tratta de curiositaa
Corraraven descolz4 sui articiocch5:
Se setten, stan lí zitt che no tran fíaa
A vardá sant Franzesch che in ton patocch6
El ghe squaquara giò con pocch paroll
Tutta la relazion de sto beli noli.
- ↑ ruzza: sospinge. (Nota transclusa da pagina 224)
- ↑ tant ratton, ecc. : tanto laici che di coro («/e colmegna). (Nota transclusa da pagina 224)
- ↑ a balocch: a bizzeffe. (Nota transclusa da pagina 224)
- ↑ descolz: scalzi. (Nota transclusa da pagina 224)
- ↑ articiocch: carcioffi. (Nota transclusa da pagina 224)
- ↑ patoch: patetico. (Nota transclusa da pagina 224)
