 |
Questa pagina è ancora da trascrivere o è incompleta. | |
E lí allon! fa su insemina in d’on fagott
Polver, pinol, triacch e lettuari,
Impeli, groppitt, tollitt, mestur, decott,
E giò per al condutt del nezessari;
E poeú mettegh al post de sti ciapott1
Di bon peccher de vin vece ordenari,
Propi de quell che scuffien tra de lor
Quand fan capitol i deflnitor.
E pceú a furia de brceud e geladinn,
De ressumad legger e de ceuv fresch,
De pantrid, de pappinn e de nozzinn2
De zinivella3 fritta e pan todesch,
Te Tha redutt a segn de sbalordinn
Perlina l’istess pader sant Franzesch
Ch’el sclamava dí e noce Integram horum
Opto silvam habere íuniperorum4.
Ma fin chi gh’è nagott de stravagant,
Me dirii, perchè hin coss che al dí d’incoeu,
Senza dass a d’intendes de vess sant,
1 fan a l’Ospedaa fina i pezzoeu5,
Sí, bona! bravi! me rallegher tant:
Savii nanmò nagotta, i mee fioeu....
Ma basta.... Sentii questa, e sappiemm dí
Se i pezzoeu en fan anch lor de quist che chi.
Quand fraa Sist, grazia al ciel, l’è staa a la via
De fa balla coi dent i duu polsitt,
Zenever saldo arent come l’ombria.
Noi fava che inzigagh tutt i petitt,
E ghi je scodeva tucc fuss sansessia.
Come fan i mamm grand coi biadeghitt,
Savend che quell che pias noi fa descapit,
E che el proverbi el dia: Nutrii quod sopii6.
- ↑ ciapott: ninnoli. (Nota transclusa da pagina 224)
- ↑ nozzinn: bocconcelli. (Nota transclusa da pagina 224)
- ↑ zinivella: cervello. (Nota transclusa da pagina 224)
- ↑ Integram, ecc.: vorrei avere una selva intiera di questi Ginepri. (Nota transclusa da pagina 224)
- ↑ pezzoeu: inservienti d’ospedale. (Nota transclusa da pagina 224)
- ↑ Nutrii, ecc.: nutre quello che si gusta. (Nota transclusa da pagina 224)
