 |
Questa pagina è ancora da trascrivere o è incompleta. | |
(■*) FCEURA DE PORTA LUDIVIGA.
|-’rammenti di un poema che doveva avere per titolo L’Jlpparlzhn del Tau.
(1817)
Foeura de porla Ludiviga on mía,
Su la sinistra, in tra duu fontanin1
E in tra dò fil de piant che ghe fa ombría,
El gh’è on sentirolin,
Solitari, patetech, deliziós,
Che’l «e perd a zicch zacch dcnt per i praa
E ch’el par giusta faa
Per i malinconj d’on penseros.
Lá insci, via del piss piss
D’on quai sbilz d’acqua che sboltiss di us’cioeu2,
Via d’on quai gorgheg d’on rosignoeu,
O de quai vers lontan, lontan, lontan
D’on manzett, o d’on can,
No se ghe sent on etl,
Che rompa la quiett.
Tutt coss, lá insci, la jutta la passion,
Ne s’há nanch fa duu pass
Tra quij acqu, tra quij piant, tra quell’ombría,
Che se sent a quattass d’on cert magon3
Se sent a trasportass
Dona certa estes de malinconia,
Che sgonfia i oeucc senza savè el perchè,
E sforza a piang, don piang che fa piasè.
- ↑ fontanili: canali d’acqua viva. (Nota transclusa da pagina 192)
- ↑ us’cioeu: piccole chiuse di legno nel canale irriguo. (Nota transclusa da pagina 192)
- ↑ magon: accoramento. (Nota transclusa da pagina 192)
