 |
Questa pagina è ancora da trascrivere o è incompleta. | |
Oltra el rest di vantagg, gh’han sora numer
Quel de sta arent de cá a la mia personna,
Che fan cor tutt el dí per trii cocumer1,
E quell’olter de vegh anch la mia donna
Che fa la sarta, e la ghe dá i tassij2
Per fa i abet3, i agnuss4 e i coverei).
Hin quatter donn insomma de la somma
Che podaraven, a vorrend, sta mej
Milla voeult pussee lor ch’el papa a Romma,
E andá in paradis grass come porscej;
Eppur, sur sí, che ghe n’han semper vuna
De cruzziass, de marsciss, de batt la luna.
On poo ghe l’han, perchè in del sabet grass
Ballen fina passaa la mezza nott;
On poo per via di donn che van a spass
Con la coppa5 coi brasc, col stomegh biott;
On poo coi vestinn sirene e tiraa-in-cull,
Che mostren tutt la grazia del bauli.
On dí ghe l’han, perchè Monscior Scirin6
L’han traa in despart de ministra la cresma;
On dí, perchè se stampa el Tamborin7,
O perchè fan teater in Quaresma,
O perchè a Monscia voeuren fa Arzipret
On nan, de fa scurtá tutt i pianet.
Lor se cascen, perchè de venerdí
Van voltra i polliroeu a vend pollaster;
Per i scoeul di tosann che han de derví,
Certi scoeul, soeuja mi, faa con l’incaster8;
Per i stamp scandalos, per i picciur.
Per quij che pissa in straa lontan del mur.
Ma el bordell, el bòesg9, el diavoleri.
Le staa jer e l’oltrer; streppet, deliqui,
Girament, convulsion, on affar seri,
Che ha traa sott sora asee, spiret, reliqui,
Pret, cioccolati, ex fraa, chiffer10, devoti,
E trasaa11 mezz la scorta di bescott.
- ↑ per tri cocumer: per un’inezia. (Nota transclusa da pagina 178)
- ↑ tassi] : tasselli, ritagli. (Nota transclusa da pagina 178)
- ↑ abet : gli scapolari. (Nota transclusa da pagina 178)
- ↑ agnuss: specie di immaginette sacre colla figura dell’agnello pasquale. (Nota transclusa da pagina 178)
- ↑ coppa : nuca. (Nota transclusa da pagina 178)
- ↑ Monscior Scirin : Monsignor Cerina Eugenio frate francescano, arcivescovo titolare di Sergiopoli, che allora risiedeva in Milano e aiutava l’arcivescovo, supplendolo nell’amministrazione delle Cresime. (Nota transclusa da pagina 178)
- ↑ Tamborin: il teologo gúuuenúu. professore a Pavia. Pietro Tambo* rini di Brescia autore di opere teologiche messe M’Indice (1737-1627) (Nota transclusa da pagina 179)
- ↑ faa con l’incaster: scuole di mutuo insegnamento, giusta il sistema di Giuse]:>pe Lancaiter, promosse dai liberali. (Nota transclusa da pagina 179)
- ↑ bordell.... bòesg: chiasso, tafieruglio. (Nota transclusa da pagina 179)
- ↑ chiifer: panino foggiato a mezza luna. (Nota transclusa da pagina 179)
- ↑ traiaa: sciupata. (Nota transclusa da pagina 179)
