 |
Questa pagina è ancora da trascrivere o è incompleta. | |
| — 97 — |
(*) ALTER FRAMMENT
DEL
CANT QUINT
Leggevem on beli dí per noster spass
I aventur amoros de Lanzelott:
No gh’eva terz incomod che seccass,
Stoo per dí s’avarav poduu sta biott;
E rivand in del leg a certi pass
Ne vegneva la faccia de pancott,
E i nost oeucc se incontraven, come a di:
Perchè non pomm fa istess anca mi e ti?
Ma quand semm vegnuu al pont, che ’l Paladin
El sigilla a Zenevra el rid in bocca
Col pu fogos e s’ ciasser1 di basin,
Tult tremant el me Pavol me ne imbrocca
Vun compagn, ch’el ne fa de zoffreghin:
Ah liber porch, fíceul d’ona baltrocca!
Tira giò gahott, che te see bravo: —
Per tutt quell di gh’emm miss el segn e s’ ciavo!
NOTA.
- ↑ s’ ciasser: serrato, sonoro, che fa scoppio.
