Floreasque, stipitesque, frutices,folia,
Mea et vireta amœniora hæc omnia:
At tu per omnem circulum terræ potes
Laboriosis explicare paginis;
Opes et omnes pandere omnibus meas
Populis, virorum et ora per vunda omnium
Quare merenti maximas grates tibi
Ago pro honoribus tuis his maximis
Pro queis referre gratiam tibi hanc paro.
Tibi quotannis de meis his floribus
Nectam corollas elegantioribus;
Incisa claris literis saxa indicent,
Curabo diligens, ut hoc meritum tuum?
Muscosa semper antra te ut sonent mea,
Sonent mea ut profonda vallium tuum
Perenne nomen, et specus reconditæ;
Benacus inde consonabit undique:
Meo et cacumine hoc celsissimo tuas
Laudes super nubes, et astra perferam.
