 |
Questa pagina è ancora da trascrivere o è incompleta. | |
Maria, quannu s’avia di vattiari, Gran cunsigghiu a li celi si tinia Cu quali nnomu si duvia chiamari; Lu Patri a lu so Figghiu cci dicia: — Nnomu di terra ’un cci putemu dari, E mancu celu cci cumminiria; Dunca di nnomu cci mittemu mari; Mari, fonti di grazii, Maria. (Alcamo). * 449. Oh ch’è beddru stu celu arraccamatu! E quali manu ti pinci accussì! Ce’ è la biddrizza di Gesuzzu amatu, Beddru ti fa parìri comu si’. celu, chi nni campu ’nnamuratu! Celu, chi la me patria tu si;! Celu, quann’è ddru jornu furtunatu Chi a gòdiri ti vegnu comu si’! (Alcamo). * 450. Sùsiti, armuzza mia diletta e cara, E min tardar! cchiù, ch’è junta Fura. La strafa la tò vita ti la ’mpara, Si ha’ fattu beni, camina sicura. E lu tò corpu supra eli ’na vara, Cascanu l’ossa ’nti ’na sepurtura; Oh chi spartenza dulurusa e amara! Cu’ sa l’armuzza mia dunni va a scura! (Alcamo)* * 451. Vitti a Gesuzzu cu lu latu apertu, Lu curuzzu eli fora cci paria;
